Fréttir 2023

Þriðjudagur 19.12.2023

Kæru Korpúlfar

Okkur langar að vekja athygli á jólagjöf frá Þóru Halldórsdóttir Qigong leiðbeinanda frír prufutími í Qigong í Borgum á morgun miðvikudag 20.des. kl. 16:30 allir í jólaskapi og gaman væri að vera sem flest með jólasveinahúfur.

Sama dag kl. 12:00 verða Frísk í Fjölni með kynningafund í Egilshöll.

Fimmtudaginn 21. des. kl. 13:00 mun Margrét Júlía Rafnsdóttir heimsækja Borgir á vegum menninganefndar Korpúlfa með kynningu á bók sinni Hjartarætur. Sagan hans pabba og fjölskyldu hans í meira en hundrað ár og bókin verður til sölu.

Meðfylgjandi í póstinum eru ferðalýsingar Korpúlfaferðar ferðanefndar Korpúlfa til Helsinki og Tallinn einnig Færeyjaferð Korpúlfa báðar áætlaðar á vormánuðum 2024.  Þátttökulistar liggja frammi í Borgum.

Hámark 40 manns og fararstjóri í báðum ferðum er Emil Örn Kristjánsson.

Með aðventukveðju,

Theodór og Birna.

Föstudagur 15.12.2023

Kæru Korpúlfar takk fyrir skemmtilega jólagleðiviku.

• Áfram verður félagsvist, Bridge og spilað Canasta næstu viku. Félagsvist hefst síðan á ný mánudaginn 8. janúar 2024. Fyrsta Bingó verður 10. janúar 2024.
• Við minnum einnig á jólatónleika kórs Grafarvogskirkju kl. 17:00 á laugardaginn 16. des. miðaverð fyrir Korpúlfa 2.000.-
• Þátttökulisti fyrir Vínartónleikana verður lagður fram í Borgum þriðjudaginn 19. des.
• Þá mun ferðanefndin einnig leggja fram þátttökulista í næstu viku fyrir tvær utanlandsferðir Korpúlfa á nýju ári 2024.

1. Ferð til Helsinki og Tallinn 26. apríl  til 1.  maí 2024 Hámark 40 manns      Verð í tvíbýli 198.200.- nær allt innifalið. 
2. Ferð til Færeyja 24. maí til 27 maí 2024.       Verð í tvíbýli 182.800.- nær allt innifalið.

Ferðalýsingar fyrir þessar tvær ferðir verða sendar út til félagsmanna  í næstu viku.

Ýmislegt félagsstarf Korpúlfa fer í jólafrí næstu daga en við höldum áfram að skapa saman jólaanda í Borgum næstu viku

og þökkum góða þátttöku í jólaviðburðum okkar.

Með jólakveðju

Theodór og Birna.  

Föstudagur 8.12.2023

Jóladagskráin okkar í annarri viku aðventu :

• Þriðjudaginn 12.12. kl. 13:00 í Borgum verður boðið upp á jólaball kynslóða og vonumst til að sem flestir Korpúlfar mæti. Vitatorgsbandið undir stjórn Guðrúnar Guðjónsdóttir mun leika undir dansi, leikskólabörn frá Fífuborg flytja okkur helgileik,jólasveinninn kemur í heimsókn,  við munum syngja saman og dansa af hjartans list í kringum jólatréð, í lokin smá hressing.

• Miðvikudaginn 13.12. kl. 13:00 aðventufundur Korpúlfa í Borgum með hátíðlegri dagskrá. Korpusystkin syngja inn jólaanda, Örn Bárður heiðrar okkur með nærveru sinni og flytur jólahugvekju, grunnskólabörn frá Engjaskóla verða með helgileik, tónlistaratriði með mæðgunum Jónu Svandísi og Söru Lovísu, ljóðalestur og sagt frá jólahaldi í Danmörku. Boðið verður upp á hátíðlegar veitingar.

• Fimmtudaginn 14.12. kl. 13:00 mun Ingólfur Sverrisson rithöfundur heimsækja okkur í Borgir og lesa upp úr bók sinni Höfuðdagur og bókin verður einnig til sölu.

• Föstudaginn 15.12. munu leikarar Þjóðleikhússins,  Ilmur Kristjánsdóttir , Oddur Júlíusson og Örn Árnason bjóða upp á létta jóladagskrá í Borgum kl. 10:30.  

• Vonum að þið sem flest fáið notið með okkur, þá verður Korpúlfum boðið á  opna Vínaræfingu  Sinfóníuhljómsveitar Íslands fimmtudaginn 4. janúar 2024.    Æfingin hefst kl. 12:00 en farið verður með hópferðabíl frá Borgum kl. 11:00 . Korpúlfar fengu samtals 50 miða fyrstur kemur fyrstur fær, þátttökulisti verður lagður fram í Borgum frá og með  19. desember 2023.  

Með jólakveðju

Theodór og Birna.

Miðvikdagur 6.12.2023

Jólaundirbúningur í Borgum gengur vel og gleðjumst yfir góðri þátttöku.

• Ljúf jólastund í Grafarvogskirkju í gær
• Jólabingó Korpúlfa kl. 13:00 í dag í Borgum margt  glæsilegra vinninga. Allir hjartanlega velkomnir.
• Fimmtudag 7. des kl. 13:00 í Borgum  mun Leifur Reynisson bregða ljósi á jólahald Íslendinga fyrr á árum í máli og myndum.
• Þriðjudaginn 12. des. ætla kynslóðir að skemmta sér saman á jólaballi kl. 13:00 í Borgum með helgileik, dansi, söng og samveru. Við vonumst til að sem flestir Korpúlfar mæti á jólaballið.
• Miðvikudaginn 13. des. verður aðventufundur Korpúlfa með hátíðlegri dagskrá sem verður auglýst þegar nær dregur.
• Föstudaginn 15. des. kl. 10:30  munu leikarar Þjóðleikhússins bjóða upp á létta jóladagskrá í Borgum   

Með jólakveðju

Theodór og Birna.

Föstudagur 24.11.2023

Þökkum ykkur öllum fyrir góða þátttöku í afar viðburðaríkri viku.  

Í framhaldinu viljum við vekja athygli á eftirfarandi :

1. Karlakór Grafarvogs verður með tónleika í Grafarvogskirkju 30 nóvember kl. 19:30, Gissur Páll einsöngvari  og bíður Korpúlfum aðgöngumiða með afslætti aðeins 3.000.- Miðar verða seldir í Borgum 27. og 28. nóv kl. 11:00 til 13:30  og einnig við innganginn.
2. Söngæfing Korpusystkina verður kl. 16:30 á mánudaginn.
3. Miðvikudaginn 29. nóv. kl. 13:00 verður boðið upp á tískusýningu í Borgum með tískufatnaði frá London, París og Hollandi. Logy mun halda uppi fjörinu og vera með fatasölu frá kl. 13:00 til 15:00
4. Fimmtudaginn 30. nóv. kl. 13:00 mun Einar Már Guðmundsson rithöfundur heiðra okkur með nærveru sinni í Borgum og  kynna nýútkomna bók sína
5. Þriðjudaginn 5. des. kl. 13:00  ætlum við síðan öll að skella okkur á jólastund á vegum Grafarvogskirkju. Jólahugvekja, tónlistaratriði og samsöngur. Sætaferðir frá Borgum.
6. Miðvikudaginn 6. des. kl. 13:00 er síðan árlegt og veglegt jólabingó Korpúlfa
7. Við óskum 53 Korpúlfum góðrar aðventuferðar til Riga, hópferðabíllinn leggur af stað 29. nóv. stundvíslega kl. 09:00  

Með hjartans ósk um góða helgi og gleðilega aðventu,

Birna og Theodór.

Þriðjudagur 21.11.2023

Kæru Korpúlfar

Jóladagskráin okkar verður kynnt í upphafi aðventu það verður yndislegt að njóta saman.

• Kór Grafarvogskirkju verður með jólatónleika laugardaginn 16. des. kl.  17:00 í Grafarvogskirkju.

Einsöngvarar verða Diddú og Ari Ólafsson. Þau bjóða Korpúlfum tveir fyrir einn á miðum á tónleikana.

Miðar verða seldi við innganginn og einnig hjá Siggu okkar línudanskennara á föstudagsmorgnum í Borgum.

• Ítreka breytingu á ferðafund Korpúlfa sem fara til Riga. Fundurinn verður föstudaginn 24. nóvember kl. 11:00 í Borgum.

Þakka öllum þeim sem hafa greitt rútugjaldið 3.500 en hópferðabíllinn leggur af stað kl. 09:00 frá Borgum

miðvikudaginn 29. nóvember  með hjartans ósk um gleðilega aðventuferð.

Vonumst til að sjá ykkur sem allra flest á fundinum á morgun 22 nóvember kl. 13:00 í Borgum

með afar áhugaverðri dagskrá og sérstakur gestur verður Berglind Magnúsdóttir og kynnir fyrir okkur verkefnið Það er gott að eldast.

Með góðri kveðju,

Birna og Theodór.  

Föstudagur 17.11.2023

Um leið og við óskum ykkur góðrar helgar

boðar stjórn Korpúlfa til félagsfundar næsta miðvikudag 22. nóvember  kl. 13:00 í Borgum.

Berglind Magnúsdóttir sérfræðingur verður sérstakur gestur á fundinum og kynnir fyrir okkur áhugavert verkefni Það er gott að eldast.   

Sönghópurinn okkar mun gleðja okkur með söng undir stjórn Helga Hannessonar.

Haraldur Sumarliðason mun flytja okkur spennandi sögu og fleira skemmtilegt.

Vonumst til að sjá ykkur sem allra flest.

Leifur Reynisson mun mæta til okkar enn á ný með gamlar ljósmyndir um þróun skemmtana og dægurmenningar Reykvíkinga 23 nóvember kl. 13:00

Allt annað samkvæmt starfsskrá og við sjáumst öll hress á mánudaginn með hatt eða annað höfuðfat  á höfði.  

Bestu kveðjur

Theodór og Birna.

Föstudagur 10. 11. 2023

Kæru Korpúlfar

• Hvetjum ykkur til að auglýsa vel sölu og handverksýninguna á morgun 11. nóv. kl. 13:00 til 16:00 í Borgum. Gaman fyrir börn, barnabörn og alla vini að sjá afrakstur Korpúlfa í leik og list. Síðan verður margt glæsilegt til sölu.
• Í næstu viku miðvikudaginn 15. nóv. kl. 13:00 mun Elísabet Halldóra Einarsdóttir Korpúlfur  bjóða upp á söngdagskrá sem nefnist : Textarnir hans Ómars Ragnarssonar í Borgum. Með í hljómsveit Elísabetar sem er nikkari og hljómsveitarstjóri er Gunnar Guðjónsson og Gunnar Gröndal.  Þá mun Ómar taka þátt í dagskránni og sönggleðin ráða ríkjum hjá gestum, enginn aðgangseyrir. Allir hjartanlega velkomnir.
• Rétt að geta þess að skráning í hópferðabíl til Keflavíkurflugvallar með Korpúlfa sem fara til Riga liggur frammi þátttökugjald 3.500 báðar leiðir.                                                  Þriðjudaginn 21. nóv. kl. 13:00 verður ferðafundur fyrir þá Korpúlfa sem fara til Riga 29. nóvember 2023 með Unni fararstjóra hjá Úrval Útsýn.
• Deginum áður 20. nóvember minnum við á hattadag í Borgum með gleði í hjarta.
• Miðvikudaginn 22. nóvember kl. 13:00 boðar stjórn Korpúlfa til félagsfundar í Borgum með áhugaverðri dagskrá sem verður kynnt þegar nær dregur.

Þökkum viðburðaríka viku með hjartans ósk um góða helgi

Theodór og Birna  

               Föstudagur 3.11.2023

Bráðskemmtileg vika framundan

Um leið og við óskum ykkur öllum góðrar helgar vekjum við athygli á áhugaverðum viðburðum hjá Korpúlfum næstu viku.

• Skemmtinefndin okkar stendur fyrir Korpúlfabingói miðvikudaginn 8. nóv. kl. 13:00 í Borgum.
• Fræðslunefndin okkar stendur fyrir námskeiði í skyndihjálp miðvikudaginn 8. nóv. kl. 09:00 í Borgum, alls 22 Korpúlfar skráðir á námskeiðið.
• Menningarnefndin okkar stendur fyrir hagyrðingamóti Korpúlfa fimmtudaginn 9. nóv. kl. 13:00 í Borgum, undir stjórn Ragnars Inga Aðalsteinssonar.                                  Þátttakendur eru Sigurlína Davíðsdóttir, Ómar Ragnarsson, Steinn Lundholm, Þorsteinn Þorsteinsson og Ragnar Ingi Aðalsteinsson. Allir velkomnir enginn aðgangseyrir.

Einnig mælum við með að hefja lestur á bókinni Þrír snéru aftur eftir Guðberg Bergsson sem verður tekin fyrir hjá bókmenntaklúbbnum 16. nóv.

Laugardaginn 11. nóvember verður síðan árleg sölu og handverksýning Korpúlfa í Borgum sem við erum afar stolt af og við vonumst eftir fjölda gesta.

Þeir félagsmenn sem sjá sér fært að baka fyrir Korpúlfa sem verður þá fjáröflunarleið til félagsins, hafi samband við fræðslunefnd.

Þá verður Kleinukaffi í umsjón Korpúlfa sem rennur óskipt til félagsstarfsins.  Sýningatími er frá kl. 13:00 til 16:00

Með þakklæti fyrir allt ykkar góða starf sem ber þann ávöxt að félagsstarfið og gleðin blómstrar sem aldrei fyrr hjá Korpúlfum og gestum.

Theodór og Birna.

Miðvikudagur 18.10.2023

Vekjum athygli á eftirfarandi yndislegu Korpúlfar :

• Námskeiðið með Arnþrúði Ösp föndrað úr gömlum bókum hefst í fyrramálið 19. okt. kl. 10:00 í Borgum. ( 4.000 þátttökugjald tvö skipti kl. 10-12, 19.okt  og 26. okt. )
• Línudansinn með Siggu verður framvegis bæði kl. 9:30 fyrir byrjendur á föstudögum og áfram kl. 10:00 á föstudögum fyrir lengra komna, allir hjartanlega velkomnir (500.- þátttökugjald )
• Hópferðabíll leggur af stað kl. 19:15 með hóp Korpúlfa í Borgarleikhúsið á föstudaginn 20. október á Deleríum Búbónis.
• Nýtt námskeið í stólayoga með Gyðu Dís hefst 26 október og verður til 14. desember á sama tíma kl. 09:00 á fimmtudögum í Borgum (þátttökugjald 6.000 fyrir tvo mánuði ). Allir hjartanlega velkomnir í hópinn.
• Minnum á bókmenntahópinn á morgun kl. 13:00 í Borgum, einnig á félagsfund Korpúlfa miðvikudaginn 25. október kl. 13:00 nánari dagskrá kynnt í næstu viku.

 Góða helgi og gaman verður að sjá sem flesta í bleiku á bleika föstudeginum í Borgum  20. október 2023.

Theodór og Birna.

Mánudagur 25.09.2023

Kæru Korpúlfar

Sífellt bætist við í dagskrána hjá okkur og gleðin heldur áfram.

Vekjum athygli á eftirfarandi :

1. Kl. 12:30 á morgun þriðjudag, 26. sept. verður fyrirlestur í Borgum Besta fjárfestingin með Láru Sigurðadóttir lækni og doktor í leiðheilsuvísindum, tækifæri sem enginn vill missa af.
2. Kl. 09:00 deginum eftir miðvikudag 27. sept. verður lagt af stað í haustlitaferðina til Þingvalla fyrrverandi þjóðgarðsvörður Ólafur Örn Haraldsson leiðsögumaður.              Við sjáum um nesti og 2 sæti laus ef fleiri vilja bætast í hópinn. Þátttökugjald 5.000.
3. Kl. 09:30 í fyrramálið og aftur kl. 11:00 þriðjudag 26 sept. hefst leikfimin með Margréti Eiríksdóttir í Egilshöll.
4. Kl. 10:00 næsta fimmtudag 28. sept. hefst stólayoga með Gyðu Dís í Borgum, þátttökugjald 3.000 fjórar vikur 2 pláss laus.
5. Kl. 13:00 fimmtudaginn 28. sept. verður Leifur Reynisson sagnfræðingur með ljósmyndasýningu með gleðilegum umræðum þegar Reykjavík breytis úr bæ í borg.
6. Skemmtinefndin vill minna á glimrandi skemmtilegan ókeypis haustfagnað Korpúlfa fimmtudaginn  12. október í Borgum. Nánar auglýst síðar.
7. Einnig þarf að taka frá 4. október Vestfjarðardagurinn í Borgum, dagskráin verður kynnt næstu daga.

Með gleðikveðju

Theodór og Birna.

Þriðjudagur 12.09.2023

Mikil gleði hjá okkur öllum með frábæra virkni Korpúlfa nú í upphafi haustannar, 200 manns mættu á kynningarhátíðina og mikill áhugi á því sem er í boði.

Allt að smella saman og takk fyrir tillitsemina við að koma námskeiðunum í gang.  

• Viljum minna á Korpúlfabingó kl. 13:00 á miðvikudaginn 13. sept. í Borgum.
• Deginum eftir kl. 13:00 fimmtudaginn 14. sept. mun Leifur Reynisson sagnfræðingur leiða okkar í gegnum skemmtilega sögu hernámsáranna á Íslandi í máli og myndum.
• Vekjum athygli á því að línudansinn er nú byrjaður á föstudögum kl. 10:00 í Borgum, viljum sjá sem flesta í dansgleðinni. Í upphafi tímans er farið yfir grunnsporin fyrir byrjendur í línudansi

      og síðan haldið áfram með að æfa þá dansa sem hópurinn hefur verið að dansa. Hvetjum því alla til að vera með bæði byrjendur og lengra komna.

• Óskum 46 Korpúlfum góðrar ferðar til Katalóníu 18. sept. lagt af stað stundvíslega kl. 11:00 frá Borgum og þökkum fyrir góð viðbrögð við að greiða  hópferðabílinn til Keflavíkurflugvallar.
• Glimrandi þátttaka er í aðventuferð Korpúlfa til Riga  29. nóv. en næstu daga mun ferðaskrifstofan hafa samband við skráða þátttakendur vegna greiðslu staðfestingagjalds.
• Vekjum athygli á fríum prufutíma í Qigong næsta miðvikudag 13. sept. kl. 16:30 í Borgum.
• Postulínsnámskeiðið hefur farið vel af stað en mun falla niður næsta miðvikudag 18. sept.

Höldum áfram að hafa gaman saman.

Birna og Theodór. 

 Fimmtudagur 24.08.2023

Þökkum metþátttöku í sumarstarfinu og vonum að sumarið hafi verið ykkur  öllum heillaríkt.    Kynnum með stolti nýja fjölbreytta starfsskrá Korpúlfa og það er okkar hjartans mál að sem flestir fái notið sem allra best með virkni og heilsueflingu að leiðarljósi. Áfram verður leitað í dýrmætan fjársjóð félagsmanna eftir þekkingu og reynslu. Það er  ómetanlegt allt það kærleiksríka starf sem þið leggið að mörkum dag hvern sem verður aldrei fullþakkað. Einnig ánægjulegt að finna þann áhuga sem þið sýnið félagsstarfinu, með góðri þátttöku, ábendingum og hugmyndum. Ennfremur þökkum við öllum þeim sem styrkt hafa félagið á margvíslegan hátt, enginn félagsgjöld en styrktarreikningur Korpúlfa er 0324-13-706060 kt. 601101-2460. Starfsskráin er í sífelldri þróun og öll heilsutengd atriði hafa sannað vel gildi sitt, ýmislegt nýtt kemur inn s.s. Frísk í Fjölni og djúpslökun.   Margt áhugavert er framundan m.a. að endurvekja ljósmyndaklúbb Korpúlfa og leiklistarhóp. Síðan ætlum við að fagna 10 ára afmæli Borgarinnar okkar  í vor.                                                                         

Óskum 50 Korpúlfum góðrar ferðar  til Katalóníu 18 sept.hópferðabíll fer frá Borgum til Keflavíkurflugvallar kl. 11:00 og sækir hópinn við heimkomu.(Verð  3.600.-) Fimmtudaginn 7.sept. kl. 13 er boðað til ferðafundar Katalóníufara í Borgum.  Þá liggur frammi á vegum ferðanefndar skráning í hauslitaferð til Þingvalla  27.sept.  Vestfjarðardagurinn er í  fullum undirbúningi og verður haldinn 4.okt. kl. 13:00 í Borgum.

Félagsstarfið hefst að fullum þunga í september og við hvetjum alla til að mæta á kynningarhátíðina í Borgum miðvikudaginn 6. september kl. 13:00 þá munu leiðbeinendur kynna sín námskeið, svara spurningum og leynigestur kitla hláturtaugarnar.                                                                                                               

Tréútskurður hefst síðan á Korpúlfsstöðum 15.sept. og fyrsta söngæfing Korpusystkina verður 18.september. Listmálun byrjar 12.sept.og leikfimin með Margréti í Egilshöll 26.sept. Fyrsta námskeið í postulínsmálun hefst 11.sept og keila 6. sept. sem verður alltaf annan hvern miðvikudag á móti fimmtudagspúttinu á Korpúlfsstöðum.  Qigong með Þóru byrjar 13.sept. skákhópur Korpúlfa hefst fimmtudaginn 7.sept.  Frísk í Fjölni hófst 16 ágúst og dansleikfimin í Borgum 14. ágúst en línudans sem verið hefur í sumar færist yfir á föstudaga 8.sept. Flest annað á dagskránni hefur verið í gangi í allt sumar eða nákvæm dagsetning ekki verið staðfest. Síðan er mikilvægt að fylgjast vel með upplýsingastreymi á veraldarvefnum, heimasíða korpulfarnir.com    Hvetjum alla til að kynna sér vel spennandi dagskrá menninganefndar Korpúlfa, alla fimmtudaga í vetur. Mætum sem flest í Korpúlfabingó 13. sept. kl. 13:00  en fyrsti félagsfundur Korpúlfa verður 25. október kl. 13:00, dagskrá fundarins kynnt síðar.

Vonumst til góðrar þátttöku og gleðilegra samverustunda í félagsstarfi Korpúlfa í vetur.   

Með hjartans kveðju  Theodór Blöndal formaður Korpúlfa og Birna Róbertsd. verkefnastjóri.

Fimmtudagur 10.8.2023       

Sumardagarnir okkar

Það hefur verið gaman að upplifa sumarið með ykkur kæru Korpúlfar því hér er sól inni og úti alla daga. Þátttaka góð og allir í sólskinsskapi.

Við óskum þeim 50 Korpúlfum góðrar ferðar sem leggja af stað í Dalaferð miðvikudaginn 16 ágúst stundvíslega kl. 8:30 frá Borgum og Sigmundur okkar Stefánsson verður leiðsögumaður í ferðinni.

Kynningahátíð á vetrarstarfinu verður síðan miðvikudaginn 6 sept. kl. 13:00 í Borgum og við vonumst til að sjá ykkur sem allra flest því við lofum fræðandi og skemmtilegri samveru.  

Dagskráliðir eru síðan að fara af stað hver af öðrum. 

Bridgehópur Korpúlfa byrjar föstudaginn 18 ágúst kl. 12:30 í Borgum og dansleikfimin með Auði Hörpu hefst mánudaginn 14. ágúst kl. 11:00. 

Höldum áfram að láta sólina skína í Borginni okkar og gleðilegan afmælisdag á afmæli Reykjavíkurborgar 18 ágúst. 

Birna og Theodór. 

    Miðvikudagur 17.5.2023            

Kæru Korpúlfar

Minnum á gleðidaginn 23 maí í Borgum tónleikar sönghópsins Korpusystkina verða kl. 16:00

byrjað verður að selja miða á tónleikana kl. 11:00  föstudaginn 19. maí miðaverð 1.000 (muna hafa pening ekki tekin kort).

Þann sama dag þriðjudaginn 23. maí verður Úrval Útsýn kvöld í Borgum sem hefst kl. 19:30 með glimrandi fjöri, allir velkomnir og frítt inn meðan húsrúm leyfir. Magnús Magnússon er skemmtanastjóri og mun stjórna dansi fram eftir kvöldi.

Deginum eftir 24 maí kl. 10:00 verður Korpúlfa keila í Keiluhöllinni við Egilshöll.

Föstudaginn 26 maí kl. 15:00 mun Björgvin Þ. Valdimarsson tónlistarmaður koma fagnandi í Borgir og kynna nýjan geisladisk

Einhvers staðar þú,  með mörgum góðum söngvurum.  Allir hjartanlega velkomnir á tónlistarviðburðinn.

Um leið óskum við ykkur öllum góðrar helgar og gaman verður að upplifa með ykkur spennandi næstu viku.Tónlistaviðburðir sem enginn vill missa af og allt annað samkvæmt starfsskrá.

             Með söng í hjarta,

            Theodór og Birna.

Þriðjudagur 9.5.2023

Elskulegu Korpúlfar

Gott að gleðjast með ykkur á vordögum og viljum vekja athygli á eftirfarandi :

• Á morgun 10 maí verður boðið upp á kvikmyndasýningu í Borgum kl. 13:00. Sýnd verður myndin Ingaló eftir Ásdísi Thoroddsen
• Á fimmtudag 11. maí kl. 13:00 mun sr. Hjálmar Jónsson heiðra okkur með nærveru sinni og kynna bók sína Stundum verða stökur til… sem einnig verður til sölu.
• Þá viljum við þakka góða þátttöku í Suðurnesjaferðina 31. maí, reyndar uppselt en hvetjum áhugasama til að skrá sig á biðlista sem liggur frammi.

 Þátttakendur í ferðinni þurfa að greiða þátttökugjaldið eigi síðar en 20 maí kr.             12.000.- inn á kt. Korpúlfa 601101-2460 reikn. 0324-13-0920 takk fyrir.

• Einnig stendur yfir skráning í áhugaverða Korpúlfaferð 7. júní Ásgrímsleiðin, hálfdagsferð.
• Síðan hvetjum við alla Korpúlfa til að taka frá þriðjudaginn 23. maí frá kl. 16:00 fram á kvöld, gleðidagskráin verður nánar auglýst síðar.
• Minnum ykkur á að fylgjast með heimasíðuna okkar korpulfarnir.com

Með vorkveðju,

Theodór og Birna.

Þriðjudagur 18.04.2023

Yndislegu Korpúlfar

Langar að þakka fyrir skemmtilegan vetur,

allar dásamlegu samverustundirnar, hlýju og ást sem þið sýnið svo vel í verki.

Á morgun miðvikudag 19. apríl kl. 13:00 verður fjörugur samsöngur í Borgum

undir stjórn Elísabetar Halldóru og Páls Steinars við vonumst til að fylla salinn.

Kveðja veturinn með hópsöng og fagna sumrinu saman, það verður gaman.

Síðan óskum við 23 Korpúlfum góðrar ferðar til Akureyrar og Siglufjarðar lagt verður af staðstundvíslega kl. 10:00 frá Borgumá sumardaginn fyrsta, 20. apríl.

Höldum áfram að halda í lífsgleðina saman og lengja lífið á góðan hátt.

Með þakklæti fyrir allt og fegurstu sumaróskum til ykkar allra.

Birna.

Föstudagur 31.03.2023

Kæru Korpúlfar

• Vekjum  athygli á því að leikfimin í Egilshöll hóparnir tveir hjá Ársæli og Margréti falla niður í næstu viku, hefjast á ný þriðjudaginn 11. apríl.
• Púttið á fimmtudögum á Korpúlfsstöðum er komið í sumarfrí,  sumar útipútt verður auglýst þegar nær dregur sumri.
• Páskabingó  á vegum skemmtinefndar Korpúlfa verður á miðvikudaginn kl. 13:00, vonumst til að sjá ykkur sem flest.
• Við mætum síðan öll á glæsilega afmælishátíð 25 ára Korpúlfa miðvikudaginn 12. apríl dagskrá frá kl. 13:00 til 16:00
• Viku síðar 19 apríl kl. 13:00 munum við kveðja veturinn og fagna sumrinu með samsöng í Borgum kl. 13:00

Gleðilega páska                   

Theodór og Birna.

Þriðjudagur 21.03.2023

Kæru Korpúlfar

 Okkur langar að vekja athygli á spennandi viðburðum sem framundan eru :

• Fimmtudaginn 23 mars kl. 13:00 mun Ragnar Ingi Aðalsteinsson kynna fyrir okkur bók sína um Skáld Rósu. En hann tók saman allar hennar mögnuðu vísur og skráði í eina bóka. Ragnar Ingi mun  einnig bjóða upp á þessa áhugaverðu bók til sölu.

• Þann sama dag 23 mars kl. 10:00 verður lokapútt Korpúlfa á þessum vetri á Korpúlfsstöðum.

• Næsti félagsfundur Korpúlfa verður miðvikudaginn 29. mars kl. 13:00 í Borgum og sérstakir gestir á fundinum verða
• Sólveig Helga Sigfúsdóttir hjúkrunarfræðingur öldrunarmála í Grafarvoginum með stutta kynningu.                                                                                                       
• Kristján Gíslason hringfari með erindi sem nefnist „ Þroskasaga miðaldra manns sem fór einn á mótorhjólinu sínu umhverfis jörðina „.   

        Hann mun mæta með bækur til sölu um ferðlagið og ágóði rennur til líknarmála.

• Sönghópurinn Korpusystkin undir stjórn Helga Hannessonar mun gleðja okkur með söng og fleira gaman.

• Þá er gleðilegt að finna tilhlökkun fyrir 25 ára afmælisdeginum hjá Korpúlfum sem við ætlum að fagna 12 apríl og fljótlega verður kynnt glæsileg afmælisdagskrá.

Höldum áfram að hafa gaman saman og allir hjartanlega velkomnir.  

Theodór og Birna.

Föstudagur 17.03.2023

Kæru Korpúlfar

• Söngæfing sönghóps Korpúlfa Korpusystkina í Borgum  næsta mánudag 20 mars fellur niður.  

• Heimsókn í kvikmyndaverið í Gufunesi næsta fimmtudag fellur einnig niður, ekki náðist að skrá inn nýjan viðburð í dag fyrir 23 mars en ef tekst verður það auglýst í næstu viku.

• Vekjum einnig athygli á skráningu á Skyndihjálparnámskeið sem verður fljótlega í Borgum.

• Einnig stendur yfir skráning á tónleika sem verða í Salnum í Kópavogi 15 apríl Sunnanvindur.

Þökkum stórkostlega mætingu síðustu vikur, metaðsókn í margt sem í boði hefur verið.

Með hjartans ósk um góða helgi,

Theodór og Birna.

Mánudagur 13.03.2023

Heil og sæl kæru Korpúlfar

Viðburðarík vika framundan að vanda og vekjum sérstaka athygli á eftirfarandi :

• Elísabet Halldóra verður með hópsöng á miðvikudaginn kl. 13:00 í Borgum,                syngjum kuldakastið í burtu með fögrum tónum og sönggleði.
• Þátttökulisti liggur frammi í Borgum á tónleikana Sunnanvindur í Salnum í Kópavogi föstudaginn 14 apríl. Korpúlfaverð 7.650.- (20 manns eða fleiri )  
• Næsta fimmtudag 16. mars  kl. 10:00 mun Skúli Bragi Geirdal frá fjölmiðlanefnd vera með erindi í Borgum sem nefnist Netöryggi í stafrænum heimi. Mikilvæg atriði varðandi netnotkun eldri borgara.  Vonumst til að sem allra flestir mæti.
• Bókaklúbbur  Korpúlfar er kl. 13:00 í Borgum á fimmtudeginum og tekin er fyrir bókin Snerting eftir Ólaf Jóhann Ólafsson, allir hjartanlega velkomnir.

Með hjartans kveðju

Birna og Theodór.

Mánudaginn 06.03.2023

Alltaf jafn dýrmætt kæru Korpúlfar að upplifa  með ykkur góðar stundir og margt  í boði í þessari viku.

Vekjum athygli á eftirfarandi :

• Skemmtinefnd Korpúlfa verður með Korpúlfabingó á miðvikudaginn 8. mars  kl. 13:00 í Borgum. Margt góðra vinninga.

• Menningarnefnd stendur fyrir ferð á Korpúlfsstaði á fimmtudaginn 9. mars safnast saman við Borgir kl. 13:00.                                                                                                            Magdalena Kjartansdóttir listamaður mun taka á móti hópnum og leiða um yndis heima Korpúlfsstaða. Síðan verður heilsað upp á tréskurðardeild Korpúlfa á Korpúlfsstöðum. Allir hjartanlega velkomnir með í ferðina.  

• Á laugardagskvöldið 11. mars kl. 20:30 verður farið í Salinn í Kópavogi tónleikana Með blik í auga, dægurlagaperlur Hauks Morthens Farið verður saman á einkabílum og miðar verða afhentir í vikunni. Vona að allir hafi nú þegar greitt miðana.  

• Minnum ykkur á að taka frá miðvikudaginn 12 apríl 2023 þá munum við fagna 25 ára afmæli Korpúlfa.

Með góðum kveðjum,

Theodór og Birna.                                                   

           Föstudagur 17. febrúar 2023

Aðalfundarboð Korpúlfa   

Hér með boðað til aðalfundar Korpúlfa, félags eldri borgara í Grafarvogi.

Fundarstaður : Borgir, Spönginni 43, 112 R.

Fundartími : Miðvikudagurinn 1. mars 2023 kl. 13:00

1. Setning fundar og val á fundarstjóra og fundarritara
2. Korpusystkin syngja
3. Skýrsla stjórnar og umræða um hana
4. Framlagning ársreikninga til umræðu og samþykktar
5. Formaður kjörnefndar ber fram tillögu að stjórn og nefndum
6. Kosning stjórnar og nefndarmanna
7. Kosning varamanna
8. Kosning skoðunarmanna reikninga
9. Þakkarorð
10. Erindi Benedikt Jóhannessonar sem heiðrar okkur með nærveru sinni.
11. Upplýsingarstreymi
12. Önnur mál
13. Kaffiveitingar í lok fundar.

Vonumst til að sjá ykkur sem allra flest,

Stjórn Korpúlfa.

Tillaga uppstillingarnefndar Korpúlfa að stjórn og nefndum Korpúlfa 2023 -2024 kynnt á aðalfundi

Stjórn Korpúlfa:  

Theodór Blöndal formaður    theodor@idnverk.is                       660 0291

Amalía Pálsdóttir                     amalia@simnet.is                           846 7469

Guðný Sigúsdóttir                    gudny.sigfusdottir@gmail.com  845 6725

Haraldur Sumaliðason            harsum@itn.is                                 892 5819

Grímkell Arnljótsson              grimkell1@hotmail.com                844 8306

Varamaður í stjórn: 

Jóna Hallgrímsdóttir               jonahall41@gmail.com                 896 7760

Fræðslunefnd:

Guðný Þorvaldsdóttir             siggisey@simnet.is                        862 1966

Guðmunda Ingibergsd.          gingibergsdottir@gmail.com      835 6939 

Steinunn S. Gísladóttir          steingis50@gmail.com                  895 8829

Menningarnefnd: 

Ísidór Hermannsson              afinn@hive.is                                   894 3232

Ingibjörg Óskarsdóttir          ino@simnet.is                                  861 5105

Þórdís T. Þórarinsd.    thordis.t.thorarinsdottir@gmail.com  862 8627

Ferðanefnd:

Egill Sigurðsson                      egillbsig@gmail.com                      698 9094

Sigmundur Stefánsson          sigmundurstef@gmail.com          898 6476

Ingi Sæmundsson                   ingisaem21@gmail.com                 660 8169

Skemmtinefnd: 

Kolbrún Stefánsdóttir           kollastebba@gmail.com                 866 6444                       

Gísli Ágústsson                       gislihr@simnet.is                             861 2509                   

Hildur Jónsdóttir                    hildurjonsdottir@outlook.com    898 8551                    Sigurmundur Haraldsson    birnasvala@simnet.is                      862 1018                

Kristín María Egggertsdóttir   stinaegg@gmail.com                  895 1143

Skoðunarmenn reikninga:

Jóhannes Óli Garðarsson     johannesoli@talnet.is                      695 5120                      

Steinn G.Lundholm               steiniher@visir.is                             699 3923

Föstudagur 3. febrúar 2023

Um leið og við sendum ykkur hjartans ósk um góða helgi,

vekjum við athygli á eftirfarandi :

• Fimmtudaginn 9. febrúar kl. 12:30 verður lagt af stað á Kjarvalsstaði á sýningu Auðar Hildar Hákonardóttir Rauðir þræðir. Farið verður saman á einkabílum

og kl. 13:00 verður tekið á móti hópnum á Kjarvalsstöðum.          Þeir sem eru með menningarkort fá ókeypis inn á sýninguna. Eigum síðan pantað borð á kaffistaðnum á Kjarvalsstöðum kl. 14:00. Þátttökulisti liggur frammi í Borgum.

• Föstudaginn 24. mars kl. 20:00 hafa verið pantaðir 40 miðar á leiksýninguna Marat/Sade  í Borgarleikhúsinu. Þátttökulisti liggur frammi í Borgum og farið verður með rútu frá Borgum kl. 19:15.              Aðgöngumiði 6.200.- greiðist fyrir 25. febrúar inn á reikn. Korpúlfa 0324-13-0920  kt. 601101-2460  
• Fleiri atburðir á vegum menningarnefndar Korpúlfa verða kynntir fljótlega.

• Vekjum einnig athygli á því að fyrirhuguðum aðalfund Korpúlfa hefur verið frestað um viku eða til miðvikudagsins 1. mars 2023. Nánar auglýst síðar.

Hjartans kveðja

Birna og Theodór.

Mánudagur, 30. janúar 2023

Kæru Korpúlfar

Hjartans þakkir fyrir góða þátttöku við opnun myndlistarsýningar Korpúlfa á bókasafninu á laugardaginn.

Listamenn til hamingju með fallega sýningu og takk Korpusystkin fyrir skemmtilegan söng og þið öll fyrir gleðina.

Sýningin verður opin til 25. febrúar 2023.

Nú styttist í Þorrablótið sem verður á fimmtudaginn 2. feb. húsið opnar kl. 18:00  og nú þegar hafa verið seldir 86 miðar en ef fleiri vilja

bætast í hópinn er ennþá möguleiki að taka þátt í gleðinni. Skemmtinefndin byrjar að selja síðustu miðana kl. 10:00 í dag í Borgum.

Einnig hefur verið lagður fram þátttökulisti á tónleika með vini okkar  Erni  Árnason sem verða  í Salnum í Kópavogi sunnudaginn 26. febrúar kl. 20:00.

Korpúlfaverð á miða 4.300.- Undirleikari með Erni er Jónas Þórir og sungin verða lög Sigfúsar Halldórssonar.

Þá  er ánægjulegt að finna mikinn áhuga á Katalóníuferð Korpúlfa aðeins 4 sæti laus í ferðina.

Á föstudaginn kl. 8:30 í Borgum  hefst síðan á ný eftir jólafrí hugleiðsla og létt yoga með Ingibjörgu Friðbertsdóttir.                                                                                                                               

Njótum og höfum gaman saman.

Birna og Theodór.

06.01.2023

Kæru Korpúlfar

Nýtt ár 2023 fer vel af stað hjá okkur og margt ber að þakka frá síðasta ári 2022.

Allt félagsstarfið er að fara af stað hægt og rólega, finnum vel á aðsókn að þið eruð öll klár í fjörið.

Tæplega 100 Korpúlfar mættu í Hörpuna í gær á stórkostlega opna æfingu Vínartónleika Sinfóníuhljómsveitar Íslands.

Í dag hafa síðan verið bakaðar vel yfir 100 vöfflur fyrir föstudagskaffið okkar í Borgum.

Viljum vekja athygli á næstu félagsfundum sem verða miðvikudaginn 25 janúar kl. 13:00

þá mun Guðrún Gísladóttir heiðra okkur með nærveru sinni og kynningu á Grundar heimilunum góðu

og margt fleira gaman á fundinum í tali og tónum.

Aðalfundur Korpúlfa verður síðan miðvikudaginn 22. febrúar 2023.

Laugardaginn 28. janúar eru allir velkomnir á fyrstu samsýningu myndlistarhóps Korpúlfa í Borgarbókasafninu í Spöng, nánar auglýst síðar.

Þá er skemmtinefnd Korpúlfa farin að skipuleggja Þorrablót ársins sem verður fimmtudaginn 2. febrúar í Borgum, þátttökugjald 7.000.-

Dagskrá kynnt og miðar seldir þegar nær dregur.

Bókmenntahópur Korpúlfa verður 19. jan. kl. 13:00 og postulínsnámskeið með Erlu hefst á ný mánudaginn 16 jan. kl. 09:00 og laus pláss.

Þá liggur frammi þátttökuskráning á tónleika í salnum í Kópavogi 11. mars Með blik í auga dægurlagaperlur Hauks Morthens.

Menninganefnd, fræðslunefnd og ferðanefndir Korpúlfa munu fljótlega kynna mjög áhugaverðar vorannir 2023.

Mikið að hlakka til og vonumst til að eiga sem flestar gleðistundir með ykkur á nýja árinu 2023.

Með þakklæti fyrir yndislegt samstarf og góðar minningar.

Birna og Theodór.