Fréttir 2024

Föstudagur 15. nóvember 2024

Kæru Korpúlfar

Við minnum á vinsælu sölu og handverksýningu Korpúlfa laugardaginn 23 nóvember kl. 13:00 til 16:00 í Borgum. Kaffi og kleinur 500.- kökubasar,( vonumst til að fleiri sjái sér fært að koma með á kökuborðið), en allur ágóði rennur til félagsstarfsins. Minnum á að ekki eru tekin kort aðeins peningur í allri sölu dagsins. Hvetjum ykkur til að bjóða fjölskyldumeðlimum í heimsókn í Borgir á þessum skemmtilega degi.
Þá þökkum við ánægjulegan áhuga á Jólahlaðborðinu okkar þriðjudaginn 26. nóvember og takk allir sem nú þegar hafa greitt þátttökugjaldið, (engir aðgangsmiðar, merkt verður við nöfnin þegar þið mætið í Gullhamra) Greiðsla (jólahlaðborð, skemmtiatriði, veislustjórn, jólasveinn leynigestur og dansað fram á nótt. Reikn. Korpúlfa 0324-13-0920kt. Korpúlfa 601101-2460 (13.000.-) Rúta í boði hússins fer frá Borgum kl. 17:45 og heim aftur frá Gullhömrum kl. 23:00. Skráningalisti í rútuferðir liggur frammi í Borgum.
Félagsfundur Korpúlfa 27 nóvember fellur niður.
Á kosningadag laugardaginn 30. nóvember kl. 17:00 verða áhugaverðir tónleikar sönghóps Korpúlfa í Borgum undir stjórn Helga Má Hannessonar. Gestasöngvari og gleði forsala miða í Borgum 22.nóv. kl. 11-14 á 1.500.- (Vinsamlegast aðeins hægt að greiða með pen.)
44 Korpúlfa leggja af stað í aðventuferð til Tíról 5 desember brottför FI532 kl. 07:20 . Pöntuð hefur verið rúta frá Borgum sem leggur af stað stundvíslega kl. 04:00 frá Borgum til Keflavíkurflugvallar. Rútugjald er 4.000 báðar leiðir og greiðist inn á reikning Korpúlfa fyrir 1. des.

Aðventudagskrá okkar verður síðan kynnt fljótlega.

Með hjartans ósk um góða helgi

Birna.

Þriðjudagur 5. nóvember 2024

Vekjum athygli á eftirfarandi kæru félagar,

Á miðvikudaginn 6. nóv. kl. 14:00 í Borgir mæta Hjördís Geirssóttir og Hulda vinkona okkar, til að kynna jólatónleika sem verða í Salnum í Kópavogi sem nefnast Gömlu góðu jólin, nánari upplýsingar á miðvikudaginn.
Deginum eftir 7. nóv kl. 13:00 stendur menninganefndin fyrir viðburði þegar Ingibjörg okkar Óskarsdóttir verður með myndasýningu frá ferðum Korpúlfa til Spánar, Færeyja og Helsinki. Einnig myndir frá Stresa á Ítalíu og fleira gaman.
Korpúlfabingó skemmtinefndar verður síðan 13. nóvember kl. 13:00
Þökkum glimrandi góða þátttöku á jólahlaðborð Korpúlfa í Gullhömrum 26. nóvember og við lofum góðri skemmtun. Greiðsla fer fram með millifærslu inn á reikning Korpúlfa 0324-13-0920 kt. 601101-2460. Velkomið að taka með sér gesti allir eru hjartanlega velkomnir.
Hér er auglýsing frá fræðslunefnd um sölu og handverksýningu Korpúlfa sem verður laugardaginn 23. nóvember í Borgum skráning til þátttöku á sýninguna og þátttaka í kökusölu liggur frammi í Borgum. Vonumst til að sjá sem flesta og að við hjálpumst að við að auglýsa vel og njóta saman.

Með hjartans kveðju og allir hjartanlega velkomnir á viðburðina.

Theodór og Birna.

Föstudagur 25. október 2024

Kæru Korpúlfar

Í næstu viku ætlum við að fagna vetrinum saman og vekjum athygli á eftirfarandi :

Vonumst eftir góðri þátttöku á fyrsta félagsfund Korpúlfa á þessum vetri. miðvikudaginn 30 október kl. 13:00 í Borgum. Ari Trausti Guðmundsson mun heiðra okkur með nærveru sinni og fróðleik um loftslagsbreytingar og orkuskipti, mun svara fyrirspurnum. Ragnar Ingi Aðalsteinsson verður með gamanmál. Korpusystkin munu gleðja okkur með söng, kosið verður í uppstillinganefnd Korpúlfa og fleira skemmtilegt.

Fimmtudaginn 31. okt. minnum við á Rafíþróttir kl. 09:00 í Borgum (var fært til í síðustu viku).
kl. 13:00 fimmtudaginn 31. okt. á vegum menningarnefndar mun Sóley Dröfn Davíðsdóttir sálfræðingur heimsækja okkur í Borgir með áhugaverðan fyrirlestur um ADHD fullorðinna og svara fyrirspurnum. Kynna bók sína sem hún hefur nýlega gefið út í samstarfið við Báru Sif Ómarsdóttir.

Fimmtudagskvöldið 31. okt. munu 30 Korpúlfar safnast saman í einkabíla á tónleikana Tómas og við í Salnum í Kópavogi, lagt af stað kl. 19:30 frá Borgum. Góða skemmtun.
Þökkum glimrandi góðan áhuga á jólahlaðborð Korpúlfa í Gullhömrum þriðjudaginn 26. nóvember, þátttökulisti liggur frammi í Borgum og vekjum athygli á því að velkomið er að taka með sér gesti.

Með hjartans ósk um gleðilega vetrardaga,

Theodór og Birna.

Miðvikudagur 16. október 2024

Kæru Korpúlfar

Samkvæmt starfsskrá er aðeins eitt sem ekki er farið af stað hjá okkur það er púttið á Korpúlfsstöðum.

Gleður okkur að tilkynna að það hefst fimmtudaginn 24. október kl. 10:00 og verður í allan vetur fyrsta og þriðja fimmtudag í hverjum mánuði kl. 10:00 í aðstöðu GR. á Korpúlfsstöðum. Góð samvera og hreyfing sem endar með skemmtilegu kaffispjalli. Allir velkomnir.
Vonumst eftir sem flestum í hópsöng í dag kl. 13:00 í Borgum.
Á fimmtudaginn 17 okt. er laust í tölvufærniaðstoð/símaaðstoð Sunna aðstoðar kl. 09:00 og Ólöf aðstoðar kl. 10:00. Viku síðar 24 október kl. 09:00 verða rafíþróttir í Borgum allir velkomnir.
Samstarfsverkefni okkar lestravinir við Engjaskóla gengur vel og þau taka fagnandi á móti fleirum lestravinum, þátttökuskráning í Borgum.
Óskum þeim Korpúlfum sem fara í haustferðina 24. október Hvalfjörður/Saurbæjarkirkja/Hernámssetrið góðrar ferðar lagt verður af stað stundvíslega kl. 10:00 frá Borgum.
Minnum á bleika daginn 23. október gaman væri að sjá sem flesta í bleiku.

Allt annað samvkæmt dagskrá.

Góðar stundir

Theodór og Birna.

Þriðjudagur 8. október 2024

Haustdagarnir okkar.

Ánægjulegt að upplifa þá miklu þátttöku í allri dagskrá Korpúlfa.

Margir dagskráliðir nú þegar uppbókaðir, en hvetjum alla til að skrá sig á biðlista.

Leikfimin í Egilshöll með Margréti Eiríksdóttir hófst í dag bæði kl. 9:30 og annar hópur kl. 11:00.
Við minnum á Korpúlfabingó á morgun í Borgum miðvikudag 9. okt. kl. 13:00
10. okt. kl. 10:00 eru allir velkomnir á fræðsluerindi hjá Ástu Júlíu Arnardóttir frá Tryggingastofnun.
10. okt. kl. 13:00 á vegum menningarnefndar mun Hjördís Björg kynna bók sína Grætur Guð?
Þátttökuskráning liggur fyrir á námskeið í gerð satín borða og pappírsblóma með Guðnýju Helgu miðvikudaginn 16. október kl. 9:00 til 12:00 í Borgum.
Þökkum öllum þeim sem nú þegar hafa greitt 8.000.- þátttökugjaldið í Hvalfjarðarferðina og Saurbæjarkirkju 24. okt. og hvetjum þá sem eftir eru að greiða sem fyrst. Athugið breytingu lagt verður af stað í ferðina kl. 10:00 frá Borgum.

Með góðri kveðju til allra.

Þriðjudagur 1. október 2024

Elskulegu Korpúlfar

Hvetjum ykkur til að mæta í bíó í Borgum miðvikudaginn 2. október kl. 13:00 að sjá myndina Sumarlandið í boði Margrétar Sölvadóttir.
Deginum eftir fimmtudaginn 3. október stendur menningarnefnd Korpúlfa fyrir ferð á Kjarvalsstaði, á sýninguna Átthagamálverkið. Lagt af stað kl. 12:45 frá Borgum, safnast verður saman í einkabíla. Þá hafa verið pöntuð borð til að setjast niður á eftir yfir kaffibolla ef áhugi er fyrir hendi á kaffistað Kjarvalsstaða.
Leikfimin með Margréti í Egilshöll þriðjudaga hefst á ný 8. október.
Lagður hefur verið fram þátttökulisti í Borgum á Korpúlfamiðaverði á tónleikana Davíð og við sem verða í Salnum í Kópavogi fimmtudaginn 31. október kl. 20:00. Örn Árnason, Diddú og Jónas Þórir í tali og tónum flytja lög og sögu Davíðs Stefánssonar.
Fimmtudaginn 10. október kl. 10:00 í Borgum mun Ásta Júlía Arnardóttir frá Tryggingastofnun heiðra okkur með nærveru sinni og fræðslu um tryggingamál og svara fyrirspurnum gesta.

Allir hjartanlega velkomnir á þessa spennandi viðburði.

Birna og Theodór.

Föstudagur 20. september 2024

Afsakið kæru Korpúlfar fljótfærni mína, að sjálfssögðu er erindið með Lilju sálfræðing Bætt líðan á efri árum miðvikudaginn 25. sept. kl. 13:00 í Borgum. Allir hjartanlega velkomnir.

Í næstu viku : hefst listmálun með Pétri Halldórssyni aftur eftir sumarfrí, þriðjudaginn 24. sept. kl. 09:00

Kl. 9:30 24. sept. verður Heiðmerkurganga með Sigurði Jóhannssyni Vatnsendaborg.

26. sept. er síðan Haustfagnaður Korpúlfa, gleði og fjör, húsið opnar kl. 19:00, muna að taka með sér drykki að eigin vali. Alveg að verða uppselt.

Þá hefur verið lagður fram þátttökulisti í Borgum í haustferð Korpúlfa í Hvalfjörð fimmtudaginn 24. október, lagt af stað kl. 10:00 frá Borgum. Fræðsla um Hvalfjörð, súpa og brauð hjá Gauja litla í Hernámssetrinu og Saurbæjarkirkja heimsótt þar sem sr. Kristján Valur tekur á móti hópnum. Þátttökugjald 8.000.- greiðist inn á reikn. Korpúlfa 0324-13-0920 kt. 601101-2460 fyrir 14 október takk.

Með hjartans ósk um góða og gleðiríka helgi,

Birna og Theodór.

Föstudagur 20. september 2024

Kæru Korpúlfar

Gleður okkur mikill áhugi fyrir haustfagnaði Korpúlfa sem verður fimmtudaginn 26. sept í Borgum.

Skemmtinefnd mun selja miða á viðburðinn á morgun föstudag kl. 13:00 til 15:00 í Borgum, miðaverð aðeins 2.000.- aðeins tekið við pen. Fyrstir koma fyrstir fá.

Þá er næsta vika hreyfivikan mikla, með því markmiði að kynna íþróttir og hreyfingu sem er ætluð öllum. Miðvikudagurinn verður tileinkaður hreyfingu með fyrirlestri Lilju Magnúsdóttir sálfræðingi miðvikud. 15. sept. kl. 13:00 í Borgum. Bætt líðan á efri árum, hvernig má hlúa að andlegri líðan og auka þrautseigju og þol fyrir áskorunum og erfiðri lífsreynslu. Strax eftir erindi Lilju kl. 14:00 verður boðið upp á hreyfiþjálfun með dansæfingum. (upplagður undirbúningur fyrir dansgleðina á haustfagnaðinum ) Allir hjartanlega velkomnir að njóta og fræðast.

Minnum einnig á eftirfarandi :

1. Dagskrá menningarnefndar fellur niður 26. sept. vegna haustfagnaðar

2. 1. okt. mun Sigurður Jó. bjóða upp á Heiðmerkurgöngu í Hólsborg lagt af stað kl. 9:30 í Borgum.

3. Ársæll verður með leikfimi í Egilshöll á sama tíma.

4. Í næstu viku verður lagður fram þátttökulisti í Haustferð Korpúlfa 24 október í Hvalfjörð / Saurbæjarkirkju / Hernámssetrið. Allir að taka daginn frá.

Með góðri haustkveðju

Birna og Theodór.

Föstudagur 13. september 2024

Þökkum draumadag í gær, fjölmenna þátttöku á kynningahátíðinni, góðar kynningar á starfinu í vetur, fínar spurningar og gleði.

Nú verður gaman að gleðjast saman á haustfagnað skemmtinefndar fimmtudaginn 26. sept. miðaverð 2.000.- byrjað verður að selja miða fljótlega í Borgum. Léttur kvöldverður, skemmtiatriði, tónlistarveisla undir stjórn Gríms og Söru, Sjallastemming með dansgleði. Sjá nánar auglýst í Borgum.

Á laugardaginn 14. sept. verður lagt af stað stundvíslega kl. 8:30 frá Borgum í Tungnaréttir, óskum ferðaglöðum Korpúlfum góðrar ferðar.

Næstu þrjá þriðjudaga 17. 24. sept og 1. okt. mun Ársæll bjóða upp á leikfimi í Egilshöll kl. 9:30 þann 8. október tekur síðan Margrét við. Allir velkomnir.

Miðvikudaginn 18. september kl. 13:00 í Borgum mun skemmtinefnd Korpúlfa bjóða upp á Korpúlfabingó með nýju sniði, sem spennandi verður að upplifa 300.- krónur bingóspjaldið. Vonumst til að sjá ykkur sem allra allra flest.

Við hefjum haustið með gleði í hjarta,

Birna og Theodór.

Föstudagur 30. ágúst 2024

Kæru Korpúlfar

Skipulagning haustsins er í fullu gangi og vona að þið flest séuð komin með nýju starfsskrána í hús, ef ekki er hún á leiðinni til ykkar.

Þökkum þeim fjölmörgu sem tóku þátt í dreifingu á bréfunum.

Á mánudaginn 2. sept. er boðið til uppskeruhátíðar í Borgum kl. 11:30, gleði, veitingar og fríir drykkir.
Laugardaginn 14. sept. verður lagt af stað kl. 8:30 í Tungnaréttir, fræðsla frá heimamönnum um mannlíf í Biskupstungum og venjur sem tengjast réttardeginum. Borðað verður á Cafe Bistró á Flúðum sælkerahlaðborð og áætluð heimkoma upp úr kl. 16:00. Ennþá 10 sæti laus í þessa einstöku ferð, skráningarlisti liggur frammi í Borgum. En þeir sem nú þegar hafa skráð sit til þátttöku er vinsamlegast beðnir um að greiða þátttökugjaldið 9.000.- inn á reikning Korpúlfa 0324-13-920 kt. 601101-2460 fyrir 9. september. Takk.
Þá hvetur skemmtinefnd Korpúlfa alla til að taka frá fimmtudagskvöldið 26. sept. þegar við munum fagna haustinu saman með gleði og gaman. Nánar auglýst síðar.
Dagskráliðir í starfsskrá Korpúlfa munu síðan byrja hver af öðrum og margt nú þegar hafið, auglýst á skjánum, facebook og heimasíðu Korpúlfa og upplýsingastreymi verður þar áfram.
Minnum á kynningahátíðina miðvikudaginn 11. september kl. 13:00 í Borgum sem enginn má missa af.

Með góðri kveðju,

Theodór og Birna.

Miðvikudagur 14. ágúst 2024

Kæru Korpúlfar

Fram undan eru spennandi haustdagar og okkur langar að vekja athygli á eftirfarandi 😊

Dansleikfimi með Auði Hörpu hefst á ný næsta mánudag 19. ágúst kl. 09:00 í Borgum. Ath. breytt tímasetning.
Línudansinn með Siggu í Borgum, hefst á föstudaginn 23.ágúst kl. 09:15 byrjendur og kl. 10:00 lengra komnir.
Sendar hafa verið út greiðsluupplýsingar í tölvupóst til allra þátttakenda í ferðina í Borgarbyggð 21. ágúst með Emil Erni sem fararstjóra. Mikilvægt að greiða sem fyrst og láta vita ef forföll verða, þannig að þeir sem eru á biðlista komist þá með. Lagt verður af stað kl. 09:00 frá Borgum miðvikud. 21.ágúst með ósk um góða ferð til allra.
Þátttökuskráning liggur frammi í Borgum í dagsferðina í Tungnaréttir sem ferðanefnd Korpúlfa stendur fyrir og verður laugardaginn 14. september. Hámark 50 manns fyrsti koma fyrstir fá, þátttökugjald 9.000.-
Ný starfsskrá Korpúlfa 2024-2025, mun berast til allra í lok ágúst og síðan verður áhugaverð kynningahátíð 11. sept. Póstdreifingin og pökkun í umslög til félagsmanna hefst kl. 09:00 fimmtudaginn 22 ágúst í Borgum. Okkur þætti afar vænt um að fá aðstoð félagsmanna við verkefnið, sem gengið hefur vonum framar síðustu ár. Því margar hendur vinna létt verk, með fyrir fram þakklæti.

Njótum gleðilegra haustdaga saman,

það verður gaman.

Theodór og Birna.

Miðvikudagur 10.júlí 2024

Breytingar í Borgum - Fréttatilkynning

Kæru Korpúlfar

Austurmiðstöð, sem er hverfisskrifstofa Reykjavíkurborgar í Grafarvogi og Árbæ hefur ákveðið að gera nokkrar breytingar á starfsmannahaldi hér í Borgum og í Árbæ

Breytingarnar eru í stuttu máli þær, að Birna okkar verði einnig forstöðukona í Árbæ og fær með sér einn starfsmann sem verður eftir hentugleikum hér í Borgum og í Árbæ.

Guðrún Barbara fer úr 40% starfi í 50% og tekur yfir afmörkuð störf fyrir báðar þessar starfsstöðvar

Þessum þremur starfsmönnum er ætlað að sinna báðum þjónustumiðstöðunum

eftir þörfum hverju sinni.

Tildrög þessara breytinga er, að forstöðukonan í Árbæ sagði upp stöðu sinni og er vilji Austurmiðstöðvar að koma á hliðstæðri starfsemi í Árbænum og er hjá okkur Korpúlfum.

Ekki var haft samráð við Kotpúlfa um þessar breytingar enda um starfsmenn Reykjavíkurborgar að ræða.

Við erum þess fullviss að Birna mun spila úr þessari breyttu starfstilhögun af sínum alkunna dugnaði og snilld og við Korpúlfar munum aðstoða hana eins og kostur er.

Þessar breytingar munu koma til framkvæmda með haustinu og er þetta tilraunaverkefni sem á að endurskoða eftir eitt ár.

Reykjavík 10.júlí 2024

Theodór Blöndal

Formaður Korpúlfa

Föstudagur 05. júlí 2024

Kæru Korpúlfar

Um leið og við óskum ykkur góðrar helgar vekjum við athygli á eftirfarandi :

Þriðjudaginn 9. júlí halda áfram vinsælu Heiðmerkurgöngurnar með Sigurði Jóhannssyni, safnast saman í einkabíla, og lagt af stað frá Borgum kl. 9:30. Farið verður frá vesturenda Víðistaðarhlíðar (Maríuhellum) kl. 10 og gengið að Vífilstaðaborg.

Fimmtudaginn 11. júlí kl. 13:00 hefur Skógræktarfélag Reykjavíkur boðið okkur í heimsókn í Elliðavatnsbæinn í Heiðmörk. Allir velkomnir, fræðsla um skóglendið, sögu þess, trjárækt, fuglalíf og náttúruna í Heiðmörk. Sýndar verða myndir af Heiðmörk á mismunandi tímum og frjáls fróðleiksganga með starfsmanni Skógræktarfélagsins fyrir þá sem vilja. Hvetjum ykkur öll til að koma með því náttúran skartar sínu fegursta um þessi dægrin og mikið fuglalíf og gróska í Heiðmörk. Þátttökulisti í ferðina liggur frammi í Borgum, ekkert þátttökugjald, lagt af stað kl. 12:30 frá Borgum og safnast saman í einkabíla.

Einnig bendir ferðanefnd Korpúlfa á að 14 sæti eru laus í afar spennandi aðventuferð Korpúlfa til Tíról með Bændaferðum 5 til 10 desember. Skemmtileg ferðalýsing ferðarinnar hefur verið send í tölvupósti en allar nánari upplýsingar um ferðina veita Bændaferðir. Alltaf jafn gaman og mikið ævintýri að njóta aðventunnar með Korpúlfum.

Þriðjudaginn 16 júlí mun Margrét Rut guðfræðinemi bjóða aftur upp á helgistund kl. 10:30 í Borgum og að þessu sinni ásamt Söru Grímsdóttir söngkonu.

Hinir stórbrotnu þættir Stiklur með Ómari okkar Ragnarssyni á miðvikudögum kl. 13:00 í Borgum hafa hitt í mark og verða því áfram í umsjón Guðrúnar í sumar.

Mikil gleði með fjölgun þátttakenda í sumargöngum Korpúlfa, við stefnum á nýtt fjöldamet í sumar .

Með sumarkveðju og sól í hjarta.

Theodór og Birna.

Mánudagur 24. júní 2024

Heil og sæl

Þökkum góða þátttöku í þeim viðburðum sem hafa verið í sumar og sérstaklega fyrir hversu margir hafa tekið þátt í að skipuleggja sumar félagvistina okkar.

Næsta miðvikudag 26 júní kl. 13:00 vonumst við eftir að sjá ykkur sem flest þegar við ætlum að sýna á tjaldi, leiksýninguna byggð á endurminningum Í RÚMI OG TÍMA sem var á afmælisdagskránni í maí í frábærum flutningi leikhóps Korpúlfa undir góðri leikstjórn Andreu Katrínar Guðmundsdóttir.

Þá minnum við á vinsælu Heiðmerkurgöngurnar 2 júlí og 9 júlí lagt af stað kl. 9:30 frá Borgum safnast saman á einkabílum.

Í Borgum liggur frammi þátttökuskráning í dagsferð í Borgarbyggð 21. ágúst á vegum ferðanefndar Korpúlfa, allar nánari upplýsingar í Borgum, þátttökugjald 17.500.- Fyrstir koma fyrstir fá því það er hámarksfjöldi 50 manns.

Vonumst einnig eftir að fleiri skrái sig á áhugmannalista um væntanlega golfferð Korpúlfa til Spánar 22. apríl 2025, 12 nú þegar skráðir en listinn liggur frammi í Borgum.

Helgistundir Grafarvogskirkju á þriðjudögum falla niður í sumar, en Margrét okkar Rut ætlar að mæta þriðjudaginn 2. júlí kl. 10:30 og bjóða upp á helgistund að hennar hætti, við munum taka fagnandi á móti henni og vonandi munu sem flestir njóta.

Höldum áfram að njóta sumarsins saman,

því það er svo gaman.

Theodór og Birna.

Föstudagur 7. júní 2024

Heil og sæl

Ánægjulegt að upplifa svona góða aðsókn í félagsstarfinu í upphafi sumars.

Mikill áhugi í heilsueflingu og spilamennsku (félagsvist mánudaga, Canasta fimmtudaga, Bridge föstudaga, í allt sumar)

Ýmislegt fer í frí í sumar en annað nýtt kemur inn s.s. Heiðmerkurgöngurnar

tvær eftir 11 júní og 18 júní í fararstjórn Sigurðar Jóhannssonar, safnast saman í einkabíla

og ekið frá Borgum kl. 9:30 þessa daga.

Miðvikudaginn 12. júní fara 50 Korpúlfar í ferð á Njáluslóðir í fararstjórn Guðna Ágústssonar,

lagt af stað stundvíslega kl. 09:00 frá Borgum, góða ferð.

Deginum eftir fimmtudaginn 13 júní stendur menninganefndin fyrir bíóferð Kringlubíó

á myndina Snerting eftir samnefndri bók Ólafs Jóhanns Ólafssonar. Kvikmyndasýningin hefst kl. 13:30

safnast verður saman í einkabíla ekið frá Borgum kl. 12:45 eða hittast í kvikmyndahúsinu í Kringlunni.

Þá óskum við þeim Korpúlfum sem taka þátt í Landsmóti U.M.F.Í 50+ sem nú stendur yfir í Vogum á Vatnsleysuströnd góðs árangurs.

Höldum áfram að njóta sumardaga með sól í hjarta.

Birna og Theodór.

Mánudagur 02.júní 2024

Kæru Korpúlfar

Ferðanefnd Korpúlfa er dugleg við að bjóða upp á nýjar spennandi ferðahugmyndir,

og nú hefur verið leitað tilboða að golfferðum fyrir Korpúlfa.

Golfskálinn sem hefur langa reynslu af golfferðum, og bíður Korpúlfum upp á 14 daga golfferð, flogið með Play til Malaga á Spáni og klukkustund í rútu til Los Moriscos 22. apríl til 6 maí 2025

Los Moriscos Golf-GOLFSKÁLINN. Verð á mann 349.900.-

Innifalið:

Flug með farangri, tösku 20 kg., golfsetti 23 kg. og handfarangur 8 kg.

Akstur milli flugvallar og hótels.

Gisting í tvíbýli, herbergi með verönd eða svölum og góðri sturtu (sem gengið er inni í ).

Morgun og kvöldmatur ásamt drykkjum með kvöldmat.

Golf alla daga utan ferðadaga.

Íslensk fararstjórn.

Annað aukalega :

Einbýli 60.000.-

Allt innifalið í mat og drykk 32.000.-

Ekki golf þá lækkar verðið um 78.000.- á mann. ( verður 271.900.- )

Dagsferð til Granada með viðkomu í Alhambra höllinni 10.000.- ( fyrirvari varðandi fjölda, þarf að bóka fyrirfram)

Ef einhverjir vilja ekki leika golf alla daga þá lækkar verðið í samræmi við það.

Viljum byrja á því að kanna áhuga ykkar á þessari ferð, áður en við staðfestum við ferðaskrifstofu og leggjum fram þátttökulista.

Óskum því eftir að þeir sem hafa áhuga á ferðinni skrái sig á lista sem mun liggja frammi í Borgum, fyrir 15. júní 2024, eða senda tölvupóst til Birnu birna.robertsdottir@reykjavik.is og hún skráir ykkur á áhugamannalista, fyrir ferðinni.

Ef næst góður áhugi verður lagður fram þátttökulisti í fyrstu draumagolfferð Korpúlfa.

Með ferðakveðju og von um góð viðbrögð,

Ferðanefnd Korpúlfa.

ps: Lagt af stað kl. 9:30 í fyrramálið 4. júní frá Borgum, Heiðmerkurganga, safnast verður saman í bíla.

Áfram Korpúlfar.

Miðvikudagur 22. maí 2024

Mikill ferðahugur í Korpúlfum þessa dagana,

ánægjulegt að upplifa í dag heimsókn Sigurðar okkar Jóhannssonar í Borgir,

með skipulagðar Heiðmerkurgöngur fyrir gönguglaða Korpúlfa.

Um er að ræða þrjár hópgöngur, þrjá þriðjudaga í júní (sama tímasetning og leikfimishópur Korpúlfa í Egilshöll sem nú er komin í sumarfrí) allar göngurnar eru í Heiðmörk.

Safnast saman í Borgum í einkabíla og ekið í samfloti kl. 9:30 frá Borgum

Þriðjudaginn 4. júní lagt af stað kl. 9:30 frá Borgum eða kl. 10:00 frá Borgarstjóraplani í Heiðmörk (þeir sem vilja hittast þar ) og gengið í Hólmsborgir.

Þriðjudaginn 11. júní lagt af stað kl. 9:30 frá Borgum eða kl. 10:00 frá Guðmundarlundi (frjálst að hittast þar) og gengið að Vatnsendaborg.

Þriðjudaginn 18. júní lagt af stað kl. 9:30 frá Borgum eða kl. 10:00 frá Vífilsstaðarhlíð (hægt að hittast þar) og gengið í Búrfellsgjá.

Þátttökuskráning í þessar þrjár gönguferðir liggur frammi í Borgum.

Takk Sigurður, njótið vel göngugarpar að ganga saman á nýjum slóðum undir góðri fararstjórn, gleði og sól.

Sigurður Korpúlfur Jóhannsson og Birna.

Miðvikudagur 22. maí 2024

Kæru Korpúlfar

Ferðanefnd Korpúlfa er á miklu flugi að skipuleggja ferðadagskrá Korpúlfa og

vekur athygli á eftirfarandi :

Uppselt er í ferðina á Njáluslóðir með Guðna Ágústssyni miðvikudaginn 12 júní og fáeinir á biðlista. Biðjum þátttakendur sem eru skráðir í ferðina að greiða þátttökugjaldið 12.000.- inn á reikning Korpúlfa 0324-13-0920 kt. 601101-2460 sem allra fyrst og eigi síðar en 7. júní, takk fyrir.

Fljótlega verður síðan lagður fram þátttökulisti í dagsferð um Borgarfjörð 21. ágúst með Ferðaskrifstofu Guðmundar Jónassonar og þátttökugjaldið er 17.500.-, nánar auglýst síðar.

Hvetjum ykkur einnig til að taka frá laugardaginn 14 september þá er ákveðið að fara í réttarferð í Tungnaréttir, nánar auglýst þegar nær dregur.

Þá er ánægjulegt að upplifa þann mikla áhuga fyrir aðventuferð Korpúlfa til Austurríkis á vegum Bændaferða 5 til 10 des. 2024, glæsileg dagskrá ferðarinnar hefur verið send til allra, ennþá eru laus pláss í ferðina og áhugasamir vinsamlegast hafið samband við Hörpu Sif hjá Bændaferðum eða einnig er hægt að bóka beint í gegnum eftirfarandi link :

Þá óskum við þeim tæplega 50 Korpúlfum sem leggja af stað til Færeyja með Emil okkar sem fararstjóra á föstudag 24 maí innilega góðrar ferðar, hópferðabíll leggur af stað stundvíslega kl. 06:00 frá Borgum með ferðaglaða Korpúlfa.

Ferðanefnda Korpúlfa,

Sigmundur, Egill, Ingi, Theodór og Birna.

Föstudagur 03. maí 2024

Elskulegu Korpúlfar

Hvetjum ykkur til að taka eftirfarandi dagsetningar frá :

8. maí Tískusýning og sala í Borgum kl. 13:00 á tískufatnaði frá London, París og Hollandi. Módel mæti kl. 11:00 í Borgir.

9.maí Uppstigningardag 30 ára afmæli eldri borgara starfs í Grafarvogskirkju messa og hátíðarkaffi kl. 11:00.

10. maí Vortónleikar sönghóps Korpusystkina OFURLÍTINN FRIÐ í Grafarvogskirkju föstudaginn 10 maí kl. 17:00

Söngstjóri Helgi Már Hannesson, einsöngvarar, Elísabet Halldóra Einarsdóttir og Helgi Már.

Miðar seldir í forsölu í Borgum á mánudaginn 6. maí kl. 11:00 -13:00 miðaverð 1000.-

17. maí

Afmælishátíð í Borgum, frá kl. 15:00 til 19:00 Skólahljómsveit Grafarvogs, nemendur úr Suzuki píanóskólanum flytja atriði, dansgleði frá línudanshópi Korpúlfa, stutt erindi, kaffiveitingar og fleira. Theodór Blöndal formaður Korpúlfa veislustjóri. Klukkan 17:00 verður frumsýnt endurminningaleikverk Korpúlfa Í tíma og rúmi í leikstjórn Andreu Katrínar Guðmundsdóttir leikara. Miðaverð á leiksýninguna 1.000.-

Allir hjartanlega velkomnir.

24. maí Korpúlfar leggja af stað í Færeyjaferð

Maí mánuður 2024 sem aldrei gleymist

Birna og Theodór.

Föstudagur 03. maí 2024

Heil og sæl Korpúlfar

Ferðanefnd Korpúlfa sendir ykkur hér allar upplýsingar um Aðventuferð Korpúlfa til Tíról í desember 2024, ásamt bókunarhlekk.

Mikill áhugi fyrir ferðinni nú þegar hafa 20 skráð sig og sá þátttökulisti sem liggur frammi í Borgum, verður sendur til Bændaferða en í framhaldinu biðjum við alla að skrá sig beint til Bændaferða í gegnum bókunarhlekkinn.

Í viðhengi er ferðalýsingin sjálf og svo bókunarhlekkur þar sem hver og einn getur gengið frá sinni bókun: Aðventutöfrar í Tíról | Sérhópur Korpúlfar (baendaferdir.is)

Síðan má alltaf ganga frá bókun símleiðis eða kíkja við hjá okkur- Síminn er 570 2790 og við erum með opið frá 9-16 virka daga og frá 9-14 á föstudögum.

Verð á mann í þessa einstaklega flottu ferð er kr. 252.900 á mann í tvíbýli og kr. 15.900 aukagjald fyrir einbýli. Staðfestingargjaldið er kr. 80.000 á mann og greiðist við bókun. Þetta gjald er óendurgreiðanlegt ef hætt er við bókun. Sjá nánar ferðaskilmála Bændaferða: https://www.baendaferdir.is/um-baendaferdir/ferdaskilmalar-baendaferda

mjög mikið innifalið:

Flug með Icelandair og flugvallarskattar.
Gisting í 2ja manna herbergi með baði.
Morgunverður á hóteli.
Heimabakaðar kökur á hóteli seinni partinn.
Glæsilegur 4 rétta kvöldverður með salathlaðborði.
Drykkir frá 11:00-22:00 (bjór, vín, gos, vatn og fleira, að frátöldum drykkjum á sérseðli).
Aðgangur að glæsilegri heilsulind.
Sloppur og handklæði fyrir gufuböð.
Allar skoðunarferðir með rútu samkvæmt ferðalýsingu.
Íslensk fararstjórn.

Við minnum einnig á fuglaskoðunarferðina á mánudaginn 6. maí lagt af stað stundvíslega kl. 11:00 frá Borgum, taka með sjónauka, nesti og fuglabók ef vill.

Ólafur Einarsson fuglafræðingur er fararstjóri og þátttökugjald 4.000.- greiðist inn á reikning Korpúlfa.

F.h. ferðanefndar og gleðilegt ferðasumar,

Sigmundur og Birna.

Þriðjudagur 30. apríl 2024

Samsýning myndlistarhóps Korpúlfa

Laugardaginn 28. janúar opnaði á Borgarbókasafninu Spönginni, samsýning myndlistarhóps Korpúlfa. Korpúlfar er félag eldri borgara í Grafarvogi og eru meðlimir ríflega 1.000. Starf félagsins er afar fjölbreytt þar sem meðal annars er boðið upp á göngutúra, kórsöng, hannyrðir, pílukast og leikfimi bæði í Egilshöll og Grafarvogslaug.

Sjá frétt frá Borgarbókasafninu Spönginni

Þriðjudagur 23. apríl 2024

Þökkum fyrir skemmtilegan vetur kæru félagar.

Það verður gaman að kveðja veturinn saman með léttri gleði kl. 13:00 í Borgum miðvikudaginn 24. apríl og fagnar sumrinu.

Harpa og Sólveig frá Bændaferðum ætla að kynna fyrir okkur áhugaverða aðventuferð Korpúlfa til Tíról sem verður farin á vegum ferðanefndar 29. nóv. 2024.

Kl. 13:30 mun Einar Örn Magnússon (langafabarn Ragga Bjarna) heiðra okkur með söng og gleði.

Við óskum síðan öllum þeim ferðaglöðu Korpúlfum sem fara í loftið kl. 7:30 annan sumardag 26 apríl gleðilegrar ferðar til Helsinki og Tallin.

Með hjartans ósk um gleðilegt sumar,

Birna og Theodór.

Föstudagur 5. apríl 2024

Það er komin ferðahugur í Korpúlfa og vekjum því athygli á eftirfarandi :

Lagður hefur verið fram þátttökulisti í menningarferð á Borgarsögusafnið, ljósmyndasafnið í Tryggvagötu heimsótt, fimmtudaginn 11. apríl lagt af stað kl. 13:00 frá Borgum.

Einnig liggur frammi þátttökulisti í fuglaskoðunarferð með Ólafi Einarssyni um Grafarvog, Álftanes og Seltjarnarnes mánudaginn 6. maí kl. 11:00 þátttökugjald 4.000 kr. Hámark 25 manns og hafa meðferðis, sjónauka, fuglabók og nesti.

Þá hefur ferðanefnd einnig skipulagt dagsferð á Njáluslóðir með Guðna Ágústssyni miðvikudaginn 12. júní lagt af stað kl. 09:00 hámarksfjöldi 50 manns og þátttökugjald 12.000.-

Minnum einnig á síðasta Korpúlfabingó á þessum vetri miðvikudaginn 10 apríl kl. 13:00.

Viku síðar miðvikudaginn 17 apríl kl. 13:00 kveðjum við veturinn með hópsöng og gleði í Borgum með þremur dásamlegum harmonikkuleikurum úr hópi Korpúlfa.

Tæplega 40 Korpúlfar hafa skráð sig á tónleikaferð í salinn í Kópavogi föstudaginn 3. maí með Erni Árnasyni og Jónasi Þórir Ég man þá tíð. Sendar verða greiðsluupplýsingar til þátttakenda næstu daga og vinsamlegast greiða sem fyrst miðaverð er 3.900.- Verið er að athuga með hópferðabíl á tónleikana.

Með hjartans ósk um góða helgi,

Theodór og Birna.

Föstudagur 15. mars 2024

Kæru Korpúlfar

Margt fræðandi og skemmtilegt hjá okkur fram að páskahátíð.

Vonum að þið sem allra flest mætið á afar áhugaverðan félagsfund Korpúlfa miðvikudaginn 27. mars kl. 13:00

Hefðbundin dagskrá og tveir góðir gestir munu heimsækja okkur á fundinn.

Sigga Dögg kynfræðingur með erindi sem hún nefnir Allt sem er fallegt. Mun fjalla um kynlíf og nánd á hreinskilinn hátt, sem og hugsanlegar áskoranir sem fylgja með hækkandi aldri. Brynja M Ólafsdóttir mun fræða okkur um : Netöryggi í bankaviðskiptum. Þær báðar svara fyrirspurnum um málefnin, Korpusystkin munu syngja fyrir okkur og fleira gaman.

Á miðvikudaginn 20 mars vorjafndægur og samsöngur í sal kl. 13:00 í Borgum í umsjón Elísabetar Halldóru og Jónu, sungið upp úr söngbókinni hans Jóa.

Þann 21. mars kl. 13:00 mun bókmenntahópur Korpúlfa taka til umfjöllunar bókina Einu sinni var í Austri.

Við bendum einnig á þátttökuskráningar sem liggja frammi í Borgum.

Meðal annars stórtónleika í salnum í Kópavogi gleðikokteill með Erni Árnasyni og Jónasi Þórir Ég man þá tíð föstudaginn 3. maí kl. 20:00.

Korpúlfaverð á tónleikana er 3.900.- fyrstir koma fyrstir fá.

Með vorkveðju

Theodór og Birna.

Föstudagur 8. mars 2024

Enn á ný höfum við gleðifréttir að færa kæru Korpúlfar.

Ársæll okkar Guðjónsson mun mæta aftur til leiks 14 mars með leikfimi fyrir Korpúlfa á fimmtudögum kl. 9:30 (mæting 9:15) í Egilshöll, allir velkomnir.

Tölvuaðstoð fyrir Korpúlfa hefst á ný fimmtudaginn 14. mars kl. 09:00 í Borgum í umsjón Dagþórs, Ingibjargar og Þórdísar. Þátttökulisti liggur frammi í Borgum og þessi einstaklingsmiðaða aðstoð mun verða í boði næstu fimmtudagsmorgna fram á vor.

Leiklistahópur Korpúlfa með Andreu fer vel af stað athugið breytt tímasetning verður kl. 13:15 næstu þriðjudaga, allir velkomnir.

Skemmtinefnd Korpúlfa mun bjóða upp á sprellfjörugt páskabingó Korpúlfa næsta miðvikudag 13 mars kl. 13:00. Páskaegg að bestu gerð.

Skrautskriftanámskeiðið með Þorvaldi verður kl. 13:30 í Borgum næsta föstudag 15 mars (ath. breyttur tími )

Á þriðjudaginn 12 mars verður starfsdagur Borgardætra ( stelpurnar okkar ) og því óvanir starfsmenn í Borgum, e.h. verður aðeins kaffi á könnunni ekkert meðlæti. En við treystum því að þið takið vel á móti því góða fólki með fullum skilningi. Takk takk.

Óskum þeim Korpúlfum sem fara á tónleika í Salnum Himinn og Jörð á laugardagskvöldið góðrar skemmtunar, tónleikarnir hefjast kl. 20:30

Með ósk um góða helgi með þessum gleðifréttum,

Theodór og Birna.

Föstudagur 1. mars 2024

Gleðilegan mars 2024.

Þökkum viðburðaríka viku kæru Korpúlfar og góðan aðalfund 2024.

Við höldum áfram að auðga okkar líf og vekja okkur til umhugsunar um lífið sjálft.

Á miðvikudaginn 6. mars kl. 13:00 undir gaman saman ætlar Sigurður Skúlason leikari að kynna fyrir okkur bókina Ný jörð að vakna til vitundar um tilgang lífs þíns, eftir Eckhart Tolle. Bók sem fjallar um andlegt líf og á brýnt erindi til okkar allra. Sigurður mun lesa fyrir okkur valda kafla og verður einnig með bókina til sölu.

Fimmtudaginn 7. mars kl. 13:00 mun Vigfús Ólafsson segja frá björgunarafreki í máli og myndum sem átti sér stað í janúar 1942 Eskifjarðarheiði.

Þrettán Korpúlfar hafa skráð sig á skrautskriftarnámskeiðið sem hefst á föstudaginn 8. mars kl. 13:00 með Þorvaldi Jónassyni, þátttakendur mæti með almenn ritföng og þátttökugjald er 1.000.- krónur

Við munum síðan hjálpast að við að raða niður á einkabíla þeim Korpúlfum sem fara saman á tónleika í Salnum á laugardagskvöldið 9. mars.

Vekjum einni athygli á heimasíðu Korpúlfa, korpulfarnir.com

Góða helgi

Theodór og Birna.

Föstudagur 23. febrúar 2024

Kæru félagar

Hvetjum ykkur nú með hækkandi sól að fylgjast vel með öllu því sem framundan er hjá Korpúlfum.

Vonumst til að sjá ykkur sem flest á aðalfundi Korpúlfa miðvikudaginn 28. febrúar kl. 13:00 í Borgum með áhugaverðri dagskrá sem hefur verið send út til allra.

Þá eru alltaf spennandi viðburðir hjá menningarnefndinni alla fimmtudaga kl. 13:00.

Fimmtudaginn 29. febrúar kl. 13:00 í Borgum mun Dagþór Haraldsson vera með myndasýningu og ferðasögu

frá áhugaverðri ferð sinni um Argentínu og Brasilíu.

Fimmtudaginn 7. mars kl. 13:00 í Borgum mun Þórdís Th. Þórarinsdóttir leyfa okkur að njóta með sér

ferðalags til Perú í máli og myndum.

Allir hjartanlega velkomnir.

Þökkum góða þátttöku á skrautskriftarnámskeið með Þorvaldi Jónassyni, fullbókað og hefst föstudaginn 8. mars kl. 13:00 í Borgum.

Leiklistahópur Korpúlfa með Andreu hefur farið vel af stað, æfingar alla þriðjudaga kl. 13:00 til 14:20 í Borgum,

næst 5. mars (fellur niður næsta þriðjudag vegna málþings ). Fleiri velkomnir í hópinn.

Með hjartans ósk um gleðilega helgi

Theodór og Birna.

Fimmtudagur 22. febrúar 2024

Stjórn Korpúlfa boðar til aðalfundar félagsins miðvikudaginn 28. febrúar 2024 kl. 13:00 í Borgum.

Eins og áður hefur verið auglýst.

Fundardagskrá :

Venjuleg aðalfundarstörf.
Snæbjörn Kristjánsson kynning á heimasíðu Korpúlfa
Korpusystkin syngja undir stjórn Helga Hannessonar
Erla Dögg Sigurðardóttir félagsráðgjafi Austurmiðstöð fræðsluerindi um ýmis málefni sem standa til boða á vegum Reykjarvíkurborgar fyrir eldra fólk.
Þorsteinn Þorsteinsson með gamanmál í bundnu og óbundnu máli.
Önnur mál
Kaffi á könnunni eftir fundinn og jafnvel fleiri óvænt atriði

Vonumst til að sjá ykkur sem allra flest

Stjórn Korpúlfa.

Mánudagur 19. febrúar 2024

Tillaga Uppstillinganefndar Korpúlfa um kjör í stjórn og nefndir fyrir starfsárið 2024-2025

Formaður Theodór Blöndal var kjörinn til 2ja ára á aðalfundi 2023

Stjórn Korpúlfa

Amalía Pálsdóttir

Jóna Hallgrímsdóttir

Rannveig Guðmundsdóttir

Rikharð Brynjólfsson

Varamaður í stjórn

Steinar Gunnarsson

Fræðslunefnd

Guðný Þorvaldsdóttir

Guðmunda Ingibergsdóttir

Steinunn S. Gísladóttir

Menningarnefnd

Ingibjörg Óskarsdóttir

Ísidór Hermannsson

Þórdís T Þórarinsdóttir

Ferðanefnd

Egill Sigurðsson

Ingi Sæmundsson

Sigmundur Stefánsson

Skemmtinefnd

Benjamín Gunnarsson

Dagbjört K. Þórhallsdóttir

Gunnhildur Valdimarsdóttir

Hildur Jónsdóttir

Katrín Þorvaldsdóttir

Sigurmundur Haraldsson

Vigfús Ólafsson

Skoðunarmenn reikning

Jóhannes Óli Garðarsson

Steinn G. Lundholm

Komi fram fleiri tillögur skal þeim skilað á skrifstofu félagsins eigi síðar en á hádegi daginn fyrir aðalfund.

Föstudagur 16. febrúar 2024

Kæru Korpúlfar

Um leið og við óskum ykkur góðrar helgar minnum við á stafagöngunámskeiðið með Ingibjörgu Eiríksdóttir kl. 10:00 á mánudaginn 19. feb. í Egilshöll.

Gengið inn um aðalinngang Egilshallar og síðan til hægri verðum í aðalsalnum/knattspyrnuvellinum. Hafa meðferðis göngustafi (auka stafi fyrir þá sem ekki eiga göngustafi ) og taka með gúmískóna á stafina.

Á þriðjudaginn 19. feb. hefst fyrsta leiklistaræfing með Andreu kl. 13:00 fleiri velkomnir í hópinn, þátttökulisti liggur frammi.

Allir velkomnir á kynningu frá Umhverfisstofnun fimmtudaginn 22. feb. í Borgum kl. 13:00 á grænum verkefnum fyrir 60 ára og eldri.

Þá þætti okkur vænt um betri umgengni í húsinu með kaffibolla og glös sem finnast hingað og þangað,

vinsamlegast skila á vagn við eldhúsið, með bestu þökk frá Borgardætrum.

Skemmtilegast frétt þessa vikuna er að laust er í skemmtinefnd Korpúlfa, tækifæri sem sjaldan bjóðast, tökum fagnandi á móti öllum áhugasömum í skemmtinefnd en ákveðið hefur verið að fjölga í nefndinni. Margar hendur vinna skemmtilegt verk. Kjörnefnd Korpúlfa og Birna veita allar nánari upplýsingar.

Aðalfundur Korpúlfa er síðan boðaður miðvikudaginn 28. febrúar kl. 13:00 í Borgum.

Theodór og Birna.

Sunnudagur 11.02.2024

Kæru Korpúlfar

Vegna forfalla eru fáein pláss laus í ferð Korpúlfa til Helsinki/Tallinn 26 apríl til 1. maí 2024 allar nánari upplýsingar hjá Guðrúnu ferðaskrifstofu Guðmundar Jónassonar.
Á öskudaginn miðvikudaginn 14. feb. vitum við að margir ætla að mæta í boð í Breiðholtið hátíð sem verður í Seljakirkju kl. 13:00 til 15:00 skemmtun og veitingar. Reynt verður að safnast saman í einkabíla, þeir sem ekki eru komnir með far geta haft samband við Guðrúnu Barböru.
Tölvunámskeiðið með Hermanni fellur niður á fimmtudag verður í staðinn föstudaginn 16. febrúar kl. 9:00 til 11:00 allir velkomnir.
Næstu daga verður haft samband við þá sem ætla á tónleikana Himinn og jörð perlur Gunnars Þórðarsonar 9. mars kl. 20:30 varðandi greiðslur sem er 6.900.- Korpúlfaverð.
Gleðilegt að tilkynna að lagður hefur verið fram þátttökulisti í Borgum á leiklistanámskeið með Andreu Katrínu leiklistakennara sem hefst þriðjudaginn 20. febrúar kl. 13:00 til 14:20 í Borgum og þátttökugjald 500.- Stefnt er á að setja upp endurminningaleikhús með frumsýningu 17. maí 2024.

Með góðum kveðjum,

Birna og Theodór.

Föstudagur 02.02.2024

Kæru Korpúlfar

Við tilkynnum með ánægju að Korpúlfapúttið hefst á ný fimmtudaginn 8. febrúar kl. 10:00 á Korpúlfsstöðum, inniaðstöðu hjá G.R.
Athugið ný dagsetning á Korpúlfabingói verður miðvikudaginn 7. febrúar kl. 13:00 með glæsilegum vinningum.
Þriðjudaginn 6. feb. kl. 14:00 verður kynning á tæknilausn í tölvustýrðu hreyfiprógrammi sett upp í Borgum, allir áhugasamir velkomnir.
Fimmtudaginn 8. febrúar kl. 13:00 í Borgum mun Steinn Lundholm segja okkur sannar draugasögur og gaman ef þátttakendur mæti með sína uppáhalds draugasögu og kynni fyrir okkur.

Allir hjartanlega velkomnir á þessa viðburði og minnum einnig á öskudaginn 14. feb. en þá ætlum við öll að skemmta okkur saman í Seljakirkju kl. 13:00 til 15:00

Góða helgi Theodór og Birna.

Fimmtudagur 25.01.2024

Kæru Korpúlfar

Hér í viðhengi er auglýsing um öskudaginn í Seljakirkju sem við ætlum að fagna saman 14. febrúar með öðrum félagsmiðstöðvum í efri byggð. Korpúlfar verða með skemmtiatriði ásamt fleirum og seldar verða kaffiveitingar.

Tölvufærninámskeiðið hefst fimmtudaginn 1. feb. kl. 09:00, þátttökugjald 2.000.- hringt verður í alla þá sem eiga að mæta 1. feb. en námskeiðið verður áfram alla fimmtudagsmorgna í Borgum.
Skemmtinefnd Korpúlfa hefur ákveðið sameiginlega ferð á tónleika í salnum í Kópavogi laugardaginn 9. mars kl. 20:30. Himinn og jörð perlur Gunnars Þórðarsonar. Þátttökulisti liggur frammi í Borgum, Korpúlfaverð 6.900.-
Boðið verður upp á stafagöngunámskeið í Egilshöll mánudaginn 19. febrúar kl. 10:00, leiðbeinandi Ingibjörg Eiríksdóttir. Þátttökulisti liggur frammi í Borgum og vonumst til góðrar þátttöku.
Næsta laugardag 27. janúar kl. 11:00 í Rimaskóla mun Einar Þorsteinsson borgarstjóri vera með hverfisfund og hvetur alla til að mæta.

Við þökkum frábæran áhuga á Þorrablóti Korpúlfa miðvikudaginn 31. janúar í Borgum,

húsið opnar kl. 18:00 og borðhaldið hefst kl. 19:00.

Minnum á að taka með sér drykki, (engir drykkir seldir á staðnum).

Þá væri gaman að sjá sem flesta í íslenska þjóðbúningnum á Þorrablótinu.

Með ósk um góða skemmtun.

Birna og Theodór.

Föstudagur 19.01.2024

Stjórn Korpúlfa boðar til stjórnarfundar Korpúlfa miðvikudaginn 24. janúar kl. 13:00 í Borgum.

Jón Snædal öldrunarlæknir mun heiðra okkur með nærveru sinni og erindi sem hann kallar :

Er að koma meðferð við Alzheimer ?

Annar góður gestur verður Þórhildur Guðrún Egilsdóttir deildarstjóri hjá Reykjavíkurborg

og Korpúlfur. Hún mun segja okkur frá skemmtilegri ráðstefnu um aldursvænar borgir sem haldin var nýlega í Kaupmannahöfn.

Konráð Adolphsson fer með skemmtiatriði, Korpusystkin syngja, önnur mál og fleira gaman.

Vonumst til að sjá ykkur sem allra flest og kaffi á könnunni í lok fundar.

Sigga línudanskennari verður á línudansnámskeiði í Færeyjum á föstudaginn 26 janúar en Inga Júlíusdóttir hleypur í skarðið.

Fimmtudaginn 25. jan. kl. 13:00 í Borgum á vegum menningarnefndar : mun Brynjólfur Bjarnason Korpúlfur, sjómaður og fleira segja frá áhrifamiklu sjóslysi frá árinu 1969 og svara fyrirspurnum.

Takk fyrir góða þátttökuskráningu í utanlandsferðirnar á vegum ferðanefndar, uppselt er í Færeyjarferðina hámark 40 en sjö eru á biðlista.

Ennþá eru 5 pláss laus í ferðina til Helsinki -Tallin hámark 45 í þá ferð. Fljótlega verður sent út reikningur fyrir staðfestingagjaldi á vegum GJ travel.

Minnum alla á að taka frá 14. febrúar 2024 öskudaginn því þá ætlum við að gera okkur glaðan dag í Seljakirkju.

Góða helgi

Theodór og Birna.

Föstudagur 12.01.2024

Góða helgi kæru Korpúlfar.

Vekjum athygli á söngstund í næstu viku miðvikudaginn 17. jan. kl. 13:00 í Borgum í umsjón Elísabetar Halldóru.

Sönggleði með þjóðhátíðarstemmingu þar sem sungin verða lög frá Vestmannaeyjum, sjá viðhengi og má auglýsa sem víðast.

Þá mun enskukennslan með Margréti Sölvadóttir byrja á ný eftir jólafrí föstudaginn 19. janúar kl. 13:00 til 14:00 í Borgum. Þátttökulisti liggur frammi í Borgum.

Á mánudaginn 15.jan. mun Þorrablótsnefnd Korpúlfa hefja sölu á miðum á Þorrablótið frá kl. 11:00 til 15:00. Verð 8.000 og ekki tekin kort.

Miðvikudaginn 24. janúar boðar stjórn Korpúlfa til félagsfundar kl. 13:00 sérstakir gestir á fundinum verða Jón Snædal öldrunarlæknir með áhugavert fræðsluerindi og Þórhildur Egilsdóttir með spennandi fréttir. Tónlistarflutningur Korpusystkina og ýmislegt fleira skemmtilegt.

Allir hjartanlega velkomnir

Theodór og Birna.

Miðvikudagur 10.01.2024

Loksins loksins verður byrjað að selja miða á Þorrablót Korpúlfa,

miðasala hefst mánudaginn 15. janúar kl. 11:00 og til kl. 15:00 í Borgum.

Miðaverð 8.000.- krónur muna að taka með pening ekki tekin kort,

fyrstir koma fyrstir fá.

Þorrablótið verður haldið í Borgum miðvikudaginn 31. janúar 2024.

Húsið opnar kl. 18:00 borðhaldið hefst kl. 19:00 með glæsilegum þorramat, skemmtiatriðum, tónlist og dansi.

Þorrablótsnefndin.

Vekjum einnig athygli á að Korpúlfakeila er alla miðvikudag kl. 10:00 í janúar 2024. (Ekki annan hvern eins og áður)

Þriðjudagur 09.01.2023

Kæru Korpúlfar

Hreyfing hressir bætir kætir hvetjum alla til að kynna sér vel fjölbreytta heilsueflingu Korpúlfa.

Leikfimishópur Korpúlfa í Egilshöll með Margréti byrjaði á ný 2. janúar.

Dansleikfimin með Auði Hörpu hófst í gær alla mánudaga kl. 11:00

Jóga með Gyðu er hafið alla fimmtudaga kl. 09:00 fleiri velkomnir í hópinn og námskeiðsgjald fyrir 2 mánuði jan og feb. er 8.000.-

Línudansinn með Siggu hefst á föstudaginn 12. jan. allir velkomnir byrjendur kl. 9:30 og síðan eru allir kl. 10:00

Styrktar og jafnvægisleikfimin með strákunum okkar í fullum gangi á fimmtudögum.

Einnig Qigong með Þóru alla miðvikudaga.

Sundleikfimin tvisvar í viku í Grafarvogssundlaug.

Keilan er byrjuð í Egilshöll og púttið hefst fljótlega.

Einnig gaman að upplifa frábæra þátttöku í öllum gönguhópum Korpúlfa.

Þá minnum við á Korpúlfabingó á vegum skemmtinefndar Korpúlfa morgun 10. janúar kl. 13:00 vonumst til að sjá sem flesta.

Þökkum góða skráningu á tölvufærninámskeiðið með Hermanni en því seinkar um eina viku hefst 1. febrúar 2024.

Baráttukveðjur

Theodór og Birna.

Fimmmtudagur 4.1.2024

Kæru Korpúlfar

Vonum að þið hafið náð góðri hvíld yfir hátíðarnar og eruð nú tilbúin að takast á við nýtt spennandi starfsár okkar 2024. Um leið þökkum við fyrir öll gömlu góðu árin.

Hópferðabíll leggur af stað kl. 11:00 í dag 4. jan. með 50 Korpúlfa á opna æfingu Sinfóníuhljómsveitar Íslands í Hörpunni.

Flest á starfsskrá Korpúlfa hefst í næstu viku eða er nú þegar hafið. Pútt á Korpúlfsstöðum mun hefjast aðeins síðar verður auglýst. Menningarnefndin fer af stað fimmtudaginn 18.jan. með bókmenntahóp og bókina Tengdadóttirin eftir Guðrúnu frá Lundi. Vorönn menningarnefndar verður kynnt fljótlega.

Skemmtinefnd minnir á Korpúlfabingó miðvikudaginn 10. jan. kl. 13:00

Þorrablótsnefnd Korpúlfa er á fullu að skipuleggja Þorrablót Korpúlfa sem verður miðvikudaginn 31. janúar í Borgum. Miðaverð 8.000.- Húsið mun opna kl. 18:00 og borðhald hefst kl. 19:00. Skemmtiatriði, dans, gleði og gaman. Auglýst verður fljótlega hvenær farið verður að selja miða.

Tölvufærninámskeið Hermanns mun hefjast fimmtudaginn 25. janúar í listasmiðjunni í Borgum kl. 09:00. Þátttökugjald 1.000.- og þátttökulisti verður lagður fram í Borgum í dag. Ef vel gengur verður námskeiðið vikulega enda margir beðið eftir tölvuaðstoð sem verður einstaklingsmiðuð.

Með hjartans kveðju og vonumst til að sjá ykkur sem oftast á nýja árinu.

Birna og Theodór.